Светот се соочува со „човечка катастрофа“ поради кризата со храна предизвикана од руската инвазија на Украина, изјави за Би-Би-Си претседателот на Светска банка, Дејвид Малпас.
Рекордниот пораст на цените на храната ќе турне стотици милиони луѓе во сиромаштија, рече тој, доколку кризата продолжи. „Светска банка смета дека може да има „огромен“ скок на цените на храната од 37 отсто“, објави Би-Би-Си.
Ова, како што се наведува, најмногу би ги погодило сиромашните кои „ќе јадат помалку и ќе имаат помалку пари за нешто друго како што е школување“.
Во интервју за Би-Би-Си, Малпас рече дека влијанието врз сиромашните направи „неправеден вид криза… што важи и за Ковидот.
„Тоа е човечка катастрофа, што значи дека исхраната се намалува. „Но, тогаш тоа станува политички предизвик за владите кои не можат да направат ништо и гледаат дека цените растат“, рече Малпас, додавајќи дека тоа влијае на храната на сите различни видови масла, житарки.
Наместо субвенционирање на производството или ограничување на цените, Малпас предложи, државите да работат на зголемување на понудата на ѓубрива и храна, со насочена помош за најсиромашните луѓе.
Шефот на Светска банка предупреди на појавата на „криза во криза“ што произлегува од неможноста на земјите во развој да ги сервисираат своите големи долгови и за време на пандемијата, така и во услови на зголемени цени на храната и енергијата.
„Ова е многу реална перспектива. Ова им се случува на некои земји, не знаеме до каде ќе стигне. Дури 60 отсто од најсиромашните земји во моментов се или во долгови или се изложени на висок ризик да бидат задолжени“, изјави Малпас.
