Вакцината за заштита од заболувањето Covid-19 кое го предизвика новиот коронавирус SARS-Cov-2, би можела да им стане достапна на најранливите групи лица до март 2021 година и заедно со другото напредување од темелите да го промени текот на епидемијата, изјави во понеделникот Брус Ејлворд, висок функционер на Светската здравствена организација (СЗО – WHO).
На годишниот минитесрски состанок на СЗО, Ејворд изјави дека привремените резултати од последната фаза на испитувањето на вакцината на американската фармацевтска компанија „Pfizer“ и германската биотехнолопшка компанија „BioNTech“ се „многу позитивни“.
„Сѐ уште има многу работа, ова се само прелиминарни резултати…, но многу позитивни резултати кои денеска дојдоа, коишто, да се надеваме, би можело да бидат многи ветувачки за целиот свет“, рече Ејлворд.
„Во резултатот на извонредниот труд кој се одвива глобално, до март би можеле да бидеме во можност темелно да ја променеме насоката и динамиката на оваа криза“, додаде функционерот на СЗО.
Американско-германската вакцина пресвртница во борбата против Covid-19
Експерименталната вакцина против коронавирусот на „Pfizer“ и „BioNTech“ има 90-отстотна ефикасност во предизвикување имунолошки одговор на Covid-19, објавија двете компании во понеделникто, што се доживува во светот како голема пресвртница во справувањето со пандемијата која забрзува со повеќе од 50 милиони случаи на коронаинфекции и 1,2 милиони смртни исходи.
Челникот на СЗО, Тедрос Аденом Гебрејезус, исто така, во твит ги поздрави овие „охрабрувачки вести за вакцината“.
Кандидатот за вакцина на „Pfizer“ и „BioNTech“ не е меѓу првите девет вакцини кои го сочинуваа инструментот COVAX, кој го води СЗО со цел да се финансира и да се спроведе правилна распределба на вакцината ширум светот. Но овие две компании подоцна изразиле интересот за снабдување на оваа програма. Од СЗО соопшти дека повеќе вакцини се разгледуваат.
Од „Pfizer“ и „BioNTech“ сега сакаат да аплицираат за итно одобрување на вакцината во САД, што е надлежност на тамошната Агенција за лекови и храна (FDA), веројатно уште во ноември, што значи дека одлуката за тоа би можело да биде донесена во декември.
Оваа потенцијална вакцина до денес била испитана на над 43.000 волонтери со различни статуси, од кои 38.955 ја примиле втората доза на 8-ми ноември. Вакцината станува ефикасна седум дена по втората доза.
Според предвидувањата, двете компании до крајот на годината би можеле да испорачат до 50 милиони дози од вакцината во светот и до 1,3 милиојарди дози во 2021 година.
Европската медицинска агенција, регулаторно тело во ЕУ, покрена забрзана процедура во врска со одбрување за кандидатската вакцина на BioNTech/Pfizer, како и за вакцината којашто ја развива британско-шведска компанија „AstraZeneca“ и британскиот Универзитетот Оксфорд.
И Русија ја објави ефикасноста на вакцината „Спутник V“
Руската вакцина „Спутник V“, која ја разви научниот Институт „Гамалеј“ е повеќе од 90 отсто ефикасна, изјави во понеделникот директорката на истражувачкиот институт за терапии и певентивна медицина при министерството за здравство, Оскана Драпкина, соопштувајќи го резултатите од контролата кај веќе вакцинираните граѓани.
„Ние сме одговорни за следењето на ефикасноста на вакцината ‘Спутник V’ меѓу граѓаните кои ја примиле во рамките на масовната вакцинација“, рече Драпкина додавајќи дека истовремено се вршат и проширените масовни тестирања на примероци на повеќе десетици илјади лица.
„Врс основа на нашите опсервации, таа исто така е ефикасна повеќе од 90 отсто. Појавата на уште една вакцина е добра вест за сите“, истакна Драпкина коментирајќи ја објавата BioNTech/Pfizer.
Претходно во понеделникот Александр Гинцбург, директорот на московскиот институт „Гамалеј“ кој го разви рускиот кандидат за вакцина, ги поздрави вестите кои дојдоа од „Pfizer“.
„Очекуваме дека во блиска иднина ќе ги објавиме прелиминарните резулатит од испитувањето на вакцината ‘Спутник V’ откако беше регистирана, од ткн трета фаза од испитувањето, Сигурен сум дека нивото на нејзината ефикасност ќе биде исто така висока“, рече Гинцбург.
Руските здравствени власти овој месец ќе ги објават прелиминаните резултати од големото тестирање на луше кое е во тек и познато е како Фаза III. Русија ја тестира вакцината на повеќе од 40.000 лица во Москва.
На крајот од октомври Рускиот фонд за директни инвестиции (РФПИ) ја испрати вакцината против новиот коронавирус „Спутник V“ за процедурата на забрзана регистрација и претквалификација во Светската здравствена организација (СЗО – WHO).
Програмата за претквалификација на нови медицински препарати во Обединетите нации е единствената глобална програма за осигурување на квалитетот на лековите и е координинара со СЗО. Организацијата ги проценува квалитетот, безбедноста и ефикасноста на лековите. Во случај на усогласеност со барањата и стандардите, лекот се вклучува во списокот кој го користат меѓународните организации за набавки и земјита, при управувања со масовни набавки на лекарства.
Според РФПИ, „во услови на пандемијата забрзаната регистрација и примената на вакцината за итни случаи ќе ја направи достапна за целиот свет за покус временски рок во споредба со вообичаените конвенционални процедури“.
Русија е една од првите земји на светот коишто побараа од СЗО предрегистрација на својата вакцина против новиот коронавирусот.
Од СЗО тогаш истакнаа дека „доколку производот предаден на процена биде во согласност со крутериумите за впишување во листата, СЗО јавно ќе ги објави резултатите“. Зсега организацијата „сѐ уште не претквалификувала вакцина против Covid-19, ниту ја додала на листата за итна употреба“.
СЗО смета дека пандемијата може да се заузди
Ејвард, исто така, на денешниот брифинг ја изнесе оцената за севкупните шанси за зауздување на ширењето на пандемијата.
„Во дијагностиката имаме можност масовно да ги прошириме тестирањата на глобално ниво, во терапијтата сега имаме доволно алатки значително да го намалиме ризикот од умирање од оваа болест, а во областа на вакцината, особено по денешната вест, блиску сме до тоа да бидеме подготвени да увеземен дози за високоризичната популација кон крајот на првото или второто тримесечје“ следната година, рече Ејдвард.
Меѓутоа, тој предупредува дека „акутниот јаз во финансирањето“ од 4,5 милијарди долари би можело да ја забави достапноста на тестовите, лековите и вакцините за коронавирусот во земјите со ниски и средни приходи.
