Повеќе украински функционери за „Тајмс“ изјавиле дека се золемила многу моќтта на шефот на кабинетот на Вооадимир Зеленски, Андреј Јермак, за кој велат дека де факто управува со Украина.
52-годишникот претходно во медуимите беше опишан како „десната рака на Зеленски“ и „вистинскиот посредник за моќ на Украина“. Официјални лица во Киев кои разговараа за британскиот медиум сега велат дека тој станал нешто повеќе.
„Авторитетот на Јермак го надмина оној на сите избрани функционери во Украина “, напиша Максим Такер од Тајмс во написот објавен во петокот. Некои извори отидоа дотаму што го опишаа како „де факто шеф на државата“ или „потпретседател на Украина“.
Такер тврдеше дека разговарал со „високи владини, воени, полициски и дипломатски извори“, од кои многумина побарале анонимност. Тој го опиша Јермак како „најголемата мана на Зеленски“, а неговото однесување како „жед за моќ“.
„Големата грешка на Зеленски беше што му довери толку многу овластувања на Јермак, кој очигледно е опиен со моќ“, рече Дарија Калениук, извршен директор на Центарот за антикорупциска акција.
Воените претставници, исто така, го обвинија Јермак дека го организирал отпуштањето на генералот Валери Залужни во февруари, бидејќи тој го гледал како ривал. Портпаролот на канцеларијата на Зеленски го негираше ова, велејќи дека Залужни не бил отпуштен, туку унапреден во амбасадор во Велика Британија, „што означува високо ниво на доверба“.
Портпаролот на претседателската канцеларија, со која раководи Јермак, ги отфрли сите критики на шефот на кабинетот како „пропагандни напади“. Јермак има „директен, но ефикасен стил на управување“, рекоа тие, што донесе успеси како што е швајцарскиот „мировен самит“ следната недела.
Зеленски „е тој што ги носи сите клучни одлуки“, кажал портпаролот на претеседателската канцеларија.
Јермак е поранешен филмски продуцент кого Зеленски го донесе во владата во 2019 година како советник на украинската влада.
„Меѓународната работна група за безбедносни прашања и евроатлантска интеграција на Украина“ на Јермак и Расмусен прва предложи укинување на сите ограничувања за употребата на западното оружје доставено до Киев, што брзо беше засилено од поранешниот британски премиер Борис Џонсон. Точката на разговор потоа се прошири во главните градови на НАТО додека Белата куќа на крајот не се согласи со тоа.
