Триесет и седум камиони со гориво за НАТО трупите беа дигнати во воздух кога кај граничниот премин Торкам, меѓу Авганистан и Пакистан ги нападнале тројца бомбаши самоубијци кои им припаѓале на Талибанците.
Како што соопшти авганистанската погранична полицја, камионите се наоѓале на паркингот на НАТО кај граничниот премин.
Двајцата бомбаши се убиени во судирот со полицијата, а третиот успеал да го активира својот појас со експлозив.
Талибанците ја презеле одговорноста за овој напад.
Граничниот премин Торкам се наоѓа на една од главните рути за снабдување која ги поврзува пакистанското пристаниште Карачи со базите на НАТО во Авганистан.