Талибанската влада изрази надеж за опиплив напредок во односите со САД по претседателските избори.
Авганистанското Министерство за надворешни работи во соопштение изразува надеж дека двете земји би можеле да отворат ново поглавје во нивните односи засновани на заеднички ангажман.
Министерството наведува дека Договорот од Доха, потпишан за време на првата администрација на Трамп, доведе до крај на 20-годишната американска окупација на Авганистан.
Во соопштението се изразува надеж дека новата американска администрација ќе има конструктивна улога во ставањето крај на актуелната војна на Блискиот Исток, особено „тековното угнетување и агресија во Газа и Либан“.
