Мистериозниот врховен водач на радикалното исламистичко движење Талибан во Авганистан, Мавлави Хибатула Акунџада им се придружил на верските водачи од целата земја во петокот во главниот град Кабул, на собирот чија главна цел е националното единство, честитајќи им ја на талибанските борци победата и преземањето на власта во земјата.
Повеќе портпароли на талибаните за светските новински агенции потврдиле дека водачот Акунџада, чие седиште инаку е во јужниот град Кандахар, бил во престолнината Кабул и присуствувал на собирот со повеќе до 3.000 луѓе.
Откако ја примил заклетвата на верност од учесниците кои се изјаснувале со кревање на рацете, Акунџада на собраните им честитал на победата и преземањето на власта на 15-ти август 2021 година, по долгогодишниот бунт против странските трупи и авганистанската влада која ја имаше поддршката од САД во изминатите 20 години.
„Успехот на авганистанскиот џихад не е само извор на гордост за Авганистанците, туку и за муслиманите ширум светот“, рекол Акунџада, кого го цитира државната новинска агенција Bahtar.
Откако талибаните ја претставија својата привремена влада ланскиот септември, по хаотичното повлекување на странските трупи предводени од САД и падот на владата која ја подржуваше Вашингтон, мистериозниот Акунџада ја задржа улогата на врховен водач, односно врховен авторите меѓу талибаните, којашто ја имаше до 2016 година. Акунџада, инаку, многу ретко се појавува во јавноста.
Собирот во Кабул започнал во четвртокот со силни безбедносни мерки. Во еден момент во близина на местото на собирот се слушнале истрели, а портпаролите на талибаните рекле дека нивните безбедносни сили пукале кон „сомнителна локација“, додавајќи дека ситуацијата е под контрола.
Според медиумските извештаи, најмалку еден учесник на собирот во Кабул повикал на отворање на средните училишта за девојките, но не е јасно колку е раширена поддршката за таквиот предлог.
Заменикот на водачот на талибаните и вршител на должноста министер за внатрешни работи, Сираџудин Хакани, од можната мрежа Хакани, му се обратил на собирот во петокот порачувајќи дека светот бара влада којашто ќе биде инклузивна и образование, како и дека за решавање на тие прашања е потребно време.
„Тука сме поради довербата, меѓусебната соработка и да создадеме иднина за следниот ислам и националните интереси“, рекол Хакани.
Талибаните се откажаа од најавата дека сите училишта ќе бидат отворени во март, што предизвика критики од владите на земјите од Западот, чиишто остри санкции и блокирање на средствата на Авганистан во странските банки ја докусуриваат и онака девастираната во дведецениската војна авганистанска економија.
Портпаролот на талибаните, Забиула Муџахид, изјави за Reuters дека ќе бидат почитувани одлуките донесени на собирот, но дека крајниот збор за образованието на девојките ќе го има врховниот водач.
Тврдолинијашкиот клерик чиј син беше бомбаш самоубиец, Акунџада главно од сенка ги водеше талибаните, дозволувајќи им на другите да ја преземат водечката улога во преговорите кои на крајот доведоа до повлекувањето на САД и нивните сојузници од минатиот август по 20 година крвава војна.
