Американската поп-ѕвезда Тејлор Свифт, која ја потресе музичката индустрија со феноменално успешната турнеја, во средата беше прогласена за личност на годината на магазинот Time.
„Да се избере една личност која ќе претставува осум милијарди луѓе на планетата не е лесна задача. Избравме личност која ја претставува радоста. Некој што носи светлина во светот. Таа беше како времето, беше насекаде“, изјави Сем Џејкобс, главен уредник на списанието.
Свифт победи во конкуренција на уште осум финалисти во изборот за личност на годината, вклучувајќи го и британскиот крал Чарлс III и имагинарниот годонава анимиран лик на популарната кукла Барби.
Американската поп-ѕвезда привлече многу наслови во 2023 година, делумно благодарение на неверојатно популарната турнеја под наслов „Eras Tour“, која се покажа преголема и за „Ticketmaster“, како и со издавањето на новата верзија на албумот „1989“, кој соборуваше рекорди од 2014 година.
Свифт, исто така, стана предмет на академски и (уште повеќе) новинарски интерес: Универзитетот Харвард има курс „Тејлор Свифт и нејзиниот свет“, а „Ганет, најголемиот во САД новински синџир „Gannett“ назначи специјален известувач да ја покрива само неа.
Од редакцијата на Time истакнуваат дека Свифт е „првата личност во светот на уметноста која е прогласена за личност на годината поради нејзиниот успех како уметник“.
Минатата година оваа титула ја доби украинскиот претседател Володимир Зеленски.
