Во поголем дел од Македонија во вторникот утротот температурите се под нулата,освен во Гевгелија каде се измерени три степена.
Најстудено е во Маврово каде минималната температура е -12 степени, потоа во Лазарополе
-11, Крушево -8, Пожаране -7, Дебар -6, Ѓуриште -5, Тополчани и Берово -4, Тетово, Охрид,
Прилеп и Претор -3, Битола -2 и Штип, Виница, Демир Капија и Куманово -1 степен. Во Скопје,
Струмица и Дојран се измерени нула степени.
Во изминатите 24 часа најмногу дожд наврнело во Дојран – четири литри на метар квадратен, а
најмалку во Претор, Пожаране, Тополчани, Струмица, Гевгелија, Охрид, Тетово и Битола само
еден литар на метар квадратен.
Во Македонија утринава преовладува променливо облачно време со сончеви периоди и со
слаб до умерен ветер од северозападен правец. Наместа има слаби провејувања на снег.
Во текот на денот се очекува слично време со повремено провејување на снег особено во
североисточните делови од државата. Ќе дува умерен до засилен северен ветер долж
Повардарието кој повремено ќе се засилува.
Максималната температура се очекува да достигне до 6 Целзиусови степени. Во Скопје и околината слично време со засилен северозападен ветер, слаб снег и максимална
температура до 3 степена.
Во следните денови ќе биде претежно сончево и студено со слаб до умерен северен ветер, кој
долж Повардарието ќе се засилува. Во сабота се очекува да има зголемување на облачноста, а
ќе има и услови за локален снег.
