Цените на нафтата се искачија на меѓународните пазари до близу 86 долари во четвртокот, бидејќи засилените геополитички тензии на Блискиот исток ги засенија знаците за слаба побарувачка на почетокот на летната сезона на патувања во САД.
На лондонскиот пазар цената на барелот попладнето беше повисока за 70 центи од вчерашното затворање на тргувањето и изнесуваше 85,95 долари. На американскиот пазар со барелот се тргуваше за 57 центи поскапо, по 81,47 долари.
Организацијата на земјите извознички на нафта (OPEC) засебно објави дека во средата цената на барелот од еферентната нафтена кошничка на нејзините членки паднала за 81 цент, на 85,46 долари.
Пазарите беа изненадени во средата од падот на залихите во САД во текот на изминатата седмица, на самиот почеток на летната сезона на масовни патувања. Залихите на нафта се зголемени за 3,6 милиони барели, објави во средата Министерството за енергетика. Зголемени се и залихите на бензини, за 2,7 милиони барели. Аналитичарите очекуваа дека податоците ќе покажат пад на резервите на нафтата и бензините, за 2,9 милиони и милион барели, соодветно.
„Вистинските бројки ги разочараа оние кои шпекулираат со растот на цените, очекувајќи продолжување на затегнувањето (на пазарот) поради сезонската побарувачка“, вели аналитичарот Џон Еванс од „PVM Oil“.
Во четвртокот, знаците на слаба побарувачка во САД беа засенети од зголемените геополитички тензии на Блискиот исток и заканата од ширење на конфликтот со палестински Хамас, како и судирот на израелските вооружени сили на Либан каде зачести баражнито оган со шиитското движење Хезболах.
Во средата Израел нападна неколку области во палестинскиот Појас Газа, а во последно време често се судри со либанскиот Хезболах, поттикнувајќи ги стравувањата од мешање на други регионални сили, вклучително и Иран, главен производител на нафта. Турција се солидаризираше со Либан, пореча во средата претседателот Реџеп Тајип Ердоган, повикувајќи ги другите земји од регионот да му искажат поддршка на Бејрут
„Потенцијалното ширење на конфликтот би можело значително да влијае на испораките на нафта од Блискиот исток“, потсетува Ешли Келти од „Panmurа Gordon“.
