Наставник од училиште во предградие на Париз утринава е нападнат со нож од страна на терорист кој извикувал – Исламска држава, јавија француксите медиуми.
Нападот е извршен во училница во училиштето во Обервил, каде наставникот бил сам. Напаѓачот при тоа извикал: „Ова е Даеш (кратенка на групата Исламска држава на арпски јазик). Ова е предупредување“.
Наставникот бил прободен во колкот и во пределот на вратот, но лекарите изјавиле дека тој е вон животна опасност, пренесува МИА.
Според локалното обвинителство, напаѓачот, кој во моментов е во бегство, влегол невооружен во училницата, каде пронашол нож за хартија и ножици.
Напаѓачот бил облечен како молер и носел ракавици, капа и војнички чизми.
Во тек е полициска акција за пронаоѓање на напаѓачот.
Во Франција се уште е во сила предупредувањето за опасност од терористички напади, кое беше прогласено по нападите во Париз на 13 ноември во кои беа убиени 130 лица.
