Седумдесет и едногодишна жена од Тетово починала во неделата од здобиените повреди кога во неа удрил автомобил на булеварот „Видео Смилевски – Бато“.
Портпаролот на СВР Тетово, Марјан Јосифовски изјави дека 71-годишната У.Ј. починала од здобиените повреди во сообраќајната незгода што се случила денеска околу 11,25 часот.
Во неа удрил автомобил „опел вектра“ управуван од 34-годишниот А.И. Повредената веднаш била пренесена во Клиничката болница во Тетово, каде лекарите само ја констатирале нејзината смрт.
Увид на местото од несреќата извршиле јавен обвинител и екипа на СВР Тетово. Се работи на утврдување на причините за сообраќајката.
Минатиот месец во тетовско се случија пет сообраќајни несреќи во кои непосредни учесници беа пешаци. Полициската статистика покажува дека во овие несреќи немало починати како последица на удар од автомобил.
