Откако вчера излезе информација дека Тотенхем го договорил трансферот на Џовани Ло Селсо од редовите на Реал Бетис, рано утрово пристигна уште една информација која ќе ги израдува фановите на клубот од Лондон.
Имено, Тотенхем се договорил со Фулам за ангажман на одличниот млад фудбалер, Рајан Сесењон.
19 годишниот лев бек на „Вајт Харт Лејн“ ќе пристигне за сума од 25 милиони фунти која може да порасне и до 30 милиони фунти во зависност од настапите на играчот. Во спротивен правец, на „Кревин Котиџ“ ќе се пресели Џош Онома.
