Американскиот претседател Доналд Трамп изјави во понеделникот дека претресот кој агентите на Федералното биро за истраги (FBI) го извршиле во канцелариите на неговиот личен адвокат Мајкл Коен бил срамна акција и севкупно лов на вештерки.
Во разговорот со новинарите во Белата куќа, Трамп тимот на специјалниот обвинител Роберт Мјулер кои ги истражува наводите дека Русија наводно се мешала во американските претседателски избори во 2016 година и можниот договор на кампањата на претседателот со Москва, ја нарече „најпристрасната група луѓе“.
Американскиот претседател го повтори и својот став дека државниот обвинител Џеф Сешнс не би требало да ги изостави од надзор истрагите на Мјулер за наводното руско мешање во американските претседателски избори.
Припадниците на Федералното биро за истраги (FBI) извршиле претрес во понеделникот во канцеларијата на личниот адвокат на американскиот претседател Доналд Трамп, Мајкл Коен, објави дневниот весник The New York Times.
Познатиот адвокат Мајкл Коен се најде во центарот на контроверзиите околу наводното исплаќање на пари на порно ѕвезда Сторми Даниелс, којашто тврди дека во 2006 година имала сексуални односи со актуелниот американски претседател Доналд Трамп и дека добила пари за тоа да не зборува пред почетокот на изборната кампања во 2016 година.
Стивен Рајан, кој е адвокат на Коен во овој случај, потврдил дека FBI извршил претрес и дека подигнал одредени документи. Додал дека акцијата е изведена делумно по налог на канцеларијата на специјалниот обвинител Роберт Мјулер, додавајќи дека смета оти била „целосно несоодветна и непотребна“.
Раајан кажал дека Коен соработувал со властите и оти предач илјадници документи. Неименуван извор рекол дека FBI запленил електронски писма, даночни и деловни документи, пишува уште весникот.
Самиот Коен немал коментари, како ниту портпаролот на Мјулер.
