Француската новинска агенција AFP во петокот објави дека како дел од истрагата за наводен расизам, уапсени се тренерот на францускиот фудбалски великан ПСЖ, Кристоф Галтие и неговиот син.
Апсењето во Ница и дополнителното испрашување следело по истрагата што започна во април оваа година, а откако Галтие расно ги навредувал играчите на Ница во сезоната 2021/22, според одредени изјави, кога Галтие беше тренер на ово француски прволигаш. Галтие и неговиот син ќе останат под полициски надзор најмногу 24 часа, по што ќе се знае дали останува во притвор или не.
Официјално, сепак 56-годишниот Галтие не ја напуштил тренерската позиција на парискиот тим, иако катарските сопственици на ПСЖ веќе објавија дека неговото време во клубот е завршено. Исто така, бројни медиуми го најавија Шпанецот Луис Енрике за негов наследник.
Пред ПСЖ и Ница, Галтие го предводеше Сент Етјен од 2009 до 2017 година и Лил од 2017 до 2021 година.
