Во 17-то коло од германското фудбалско првенство во саботата Баер Леверкузен на свој терен ја совлада Херата со 3:1, додека диселдорфска Фортуна ја постигна и третата победа во серија.
Форуна, којашто пред четири дена ја изненади водечката Борусија Дортмунд со 2:1, на гости го совлада Хановер со 1:0 со погодокот на Оливер Финк во втората минута од судиското продолжение. Фортуна со оваа победа полека се оддалечува од зоната на испаѓање, и сега има 18 бодови на 14-то место, додека Хановер и натаму е претпоследен 17-ти со 11 бодови.
Баер Леверкузен победи со головите на Воланд во 5 и на Хаверц во 23 и 49 минута, додека за берлинска Херта стрелец во 26 минута беше Торунарига . Баер е деветти со 24 бодови, и бодовно се израмни со Херта која е место погоре на табелата на Бундеслигата.
Штутгарт на домашен терен против Шалке загуби со 1:3, а стрелци за гостите беа Скржибски во 10, Салиф Сане во 70 9 Кутуцу во 78 минута, додека за домашните погоди Гонзалес во 76 минута. Штутгарт остана на опасното за опстанокот во лигата 16-то место со 14 бодови, додека Шалке се качи на 13-то место со 18 бодови.
РБ Лајпциг во последните минути пред своите навивачи дојде до победата над Вердер. Домашните дојдоа во водство од 2:0 со погодоците на Клостерман во 22 и Вернер во 44 минута, но во вториот дел гостите израмнија преку Крузе во 67 и Заргент во 77 минута. Решавачкиот гол Лајпциг го постигна во 87 минута преку Брума, и ја осигури четвртата позиција со 31 бод. Вердер, пак, е 10-ти со 22 бода.
Фрајбург со голот на Гулде на 19 минута дојде до гостинска победа кај Нирнберг. Фрахбург сега има 21 бод и е на 11-то место, додека Нирнберг и натаму е на последното место со 11 бодови.
Во петокот во дербито на колото водечката со 42 бода Борусија Дортмунд на свој терен го победи второпласираниот истоимен клуб од Менхегладбах со 2:1 (1:1) кој сега заостанува девет бодови, а во недела може да биде минат од актуелниот шампион Баерн Минхен, кој вечерва гостува во Франкфурт на дуелот со Ајнтрахт. Во недела Аугсбург го пречекува Волсфбург, а Хофенхајм игра против Мајнц.
