Речиси пред две години Зоран Заев вети дека почнуваат со градба три капитални проекти: Нов клинички центар, нов автопат Скопје – Блаце и градба на Чебрен и Галиште. СИТЕ ТРИ ЛАЖНИ ВЕСТИ, порачува лидерот на ВМРО-ДПМНЕ, Христијан Мицкоски.
„Две години потоа епилогот е ваков: на местото каде требаше да има клинички центар зјае празна ливада, автопатот Скопје – Блаце е заглавен во бирократските лавиринти, а од Чебрен и Галиште сме далеку колку државава водена од Заев од ЕУ.
Но, сето ова не е пречка Заев повторно да ги ветува овие проекти кои нели само што не почнале да се градат. Разликата е што поминаа две години во чиста лага, а Македонија тапка во место.
Затоа, време е да се смени власта, да се поразат лагите за Македонија да оди напред“ – пишува тој!
