Во синоќешната сообраќајна несреќа што се случи меѓу возило на Итната медицинска помош од Куманово, со вклучени ротациски светла, и „Фолксваген туран“ на крстосницата на булеварите Водњанска и Св.Кирил и Методиј во Скопје, најтешки повреди има возачот на автомобилот.
Повреден е и пациентот, како и сопатничка од возилото за Брза помош. Автомобилот го управувал скопјанец на возраст од 57 години, додека пациентот кој се наоѓал во медицинското возило има 72 години.
„Пријавено дека во Скопје на крстосницата од бул.“Климент Охридски“ и ул.“Св.Кирил и Методиј“ се случила сообраќајна несреќа помеѓу патничко моторно возило “фолксваген туран“ со скопски регистарски ознаки управувано од Ч.Д.(57) од Скопје и возило “мерцедес“ со кумановски регистарски ознаки сопственост на Итна медицинска помош управувано од В.С.(23) од Куманово. Во несреќата со тешки телесни повреди се здобил возачот Ч.Д., а со телесни повреди се здобиле возачот на возилото од Итна медицинска помош, сопатничката од истото возило А.К.(40) и лицето кое се превезувало како пациент Ж.Ц.(72) двајцата од Куманово констатирани во Комплексот клиники ‘Мајка Тереза’ и Градската општа болница ‘Св.Наум Охридски“, информираа од МВР.
Извршен бил увид од увидна екипа од СВР Скопје.
Фото: Скопјеинфо.мк
