Турскиот претседател Реџеп Тајип Ердоган изјави дека е невозможно за Турција да престане да купува нафта и природен гас од Иран, и покрај заканата од американски санкции. Тој додаде дека трговијата меѓу Анкара и Техеран ќе продолжи.
Ердоган пред новинарите по Генералното собрание на ОН во Њујорк изјавил дека Турција не се плаши од можни санкции на САД и не сака поради тоа, да ја загрози соработката со Иран.
Според весникот Сабах, Иран во Турција лани доставил над 25 милиони тони нафта.
