Непознати напаѓачи пукале кон автомобилот на фудбалерот на Фенербахче Мехмет Топал кој од нападот е неповреден, соопшти турскиот клуб.
Мехмет Топал е нападнат додека се враќал дома од тренинг, а погодена е неговата непробојна автомобилска шофершајбна.
За сега не се познати мотивите на нападот на фудбалерот, пренесува агенцијата Асошиејтед Прес.
Во април на автобусот со играчите на Фенербахче биле испалени неколку куршуми, додека фудбалерите се враќале од гостување во Трабзон.
Бил погоден возачот на автобусот во лице поради што беше пренесен во болница.
Фудбалските власти тогаш на една недела ги суспедираа првенствените и куп натпреварите.
