„Уа” за договорот со Грција на одбележувањето спомен за бегалците од Егејска Македонија

Со извикување на „Македонија, Македонија“, денеска беше во паркот „Жена борец“, беа одбележани 70 години од прогонот на Македонците од Егејскиот дел на Македонија. Цвеќе пред споменикот положија од Кабинетот на претседателот на државата и од Светскиот македонски конгрес.

Ова е протест и против договорот за велепредавство меѓу Димитров и Коѕијас, рекоа учесниците. Тие извикуваа „Уа” кога беше споменат договорот со Грција за промена на името. На манифестацијата беше присутен и Ташко Јованов, претседател на Здружението за духовно обединување на Сетинци, Попадинци и Крушоради, кое го донираше споменикот на Андон Јанев Ќосето.

Пред споменикот цвеќе положија делегации на ВМРО-ДПМНЕ, како и на ГРОМ на Стефчо Јакимовски. Присутните ги прозваа и СДСМ да положат цвеќе, но откако не дојде никој, почнаа да извикуваат „Уа”. Откако завршија со полагањето цвеќе отидоа да погледнат изложба „70 години од прогонот на децата бегалци од Егејскиот дел на Македонија 1948-2018“ во големата сала во Домот на АРМ.

Настанот е во организација на Сојузот на здруженијата на Македонците од Егејскиот дел на Македонија МАКЕДОН, а покровител е Светскиот македонски конгрес.