Поранешниот директор на Полициската управа на Црна Гора, Веселин Вељовиќ, утрово е уапсен во акција на Специјалното полициско одделение по наредба на Специјалното државно обвинителство.
Вељовиќ е уапсен во соработка со Агенцијата на Европската унија за соработка во спроведувањето на законот (ЕВРОПОЛ), пишува Вијести.
Полицијата од рано наутро ги претресува становите и куќите на Вељовиќ во Подгорица, Мојковац, Жабљак и Никшиќ…
Во полициската акција има уште апсења.
Инаку, Веселин Вељовиќ беше директор на Полициската управа од летото 2007 до 2011 година, а потоа во периодот од 30 јули 2018 до 17 декември 2020 година беше прв човек на црногорската полиција во вториот мандат.
