Исмаил Морина, човекот што призна дека дека пушти дрон на мечот Србија – Албанија во Белград е уапсен поради поседување оружје без дозвола, јавува српски „Курир“.
Според соопштението од албанската полиција, во автомобилот на Морина бил најден пиштол, за кој Албанецот не поседувал дозвола.
Инаку, Морина во вторникот најави дека подготвува изненадување на престојниот натпревар за квалификации на Европското првенство 2016-та помеѓу Албанија и Србија. Иако претставниците на Фудбалскиот сојуз на Албанија претходно објавија дека на Морина ќе му биде забранет влезот на стадион, тој се пофали на социјалните мрежи дека 100 отсто ќе биде на стадионот, а го покажа и билетот што гласи на негово име.
Морина, чиј прекар е Балиста, изјави дека има изненадување и за премиерот на Србија Александар Вучиќ кој, сепак сеуште не одлучил дали ќе присуствува на дуелот. Морина рекол дека подготвил очила за Вучиќ, алудирајќи на нападот врз премиерот на Србија во Сребреница.