Рокот за поднесување барање за отпис на камати за социјални придонеси истекува на 31 декември годинава.
Најдоцна до тој датум сите работодавачи, самовработени лица, индивидуални земјоделци, верски службени лица или државни институции (подносители на пресметки на бруто плата) можат да поднесат барање за отпис на камати до Управата за јавни приходи (УЈП).
– Право на отпис на камати има секој обврзник кој најдоцна до 31 декември ќе поднесе барање „БОК-ПЗСО/1“ за отпис на камати по основ на достасани обврски за социјални придонеси кои настанале од јануари 2009 година заклучно со декември 2014 година, односно кои произлегуваат од месечни пресметки на бруто-плата за период најрано од јануари 2009 година, а најдоцна до декември 2014 година. Право на отпис на камати има и за достасани обврски за социјални придонеси утврдени со конечна месечна пресметка на бруто-плата и кои не се платени на денот на поднесување на барањето, соопшти УЈП.
