Тајните документи кои наводно потекнуваат од американската војска и американските разузнавачки служби кои беа објавени на интернет, го принудиле Киев да го промени своите „воени планови“, објави во неделата CNN повикувајќи се на извор близок на украинскиот претседател Володомир Зеленски.
Според соговорникот на американската телевизија, Украина веќе променила „некои од своите воени планови“ поради истекувањето на документите во кои имало податоци за потенцијалите на украинските вооружени сили. Притоа не се наведува за какви измени на стратегијата стнува збор, ниту за нивниот обем.
Во прилогот на CNN се забележува дека документите, покрај податоците кои ги содржат, го откриваат и начинот на кој американскиот разузнавање го шпионира и непријателите и сојузниците. Некои американски функционери консултирани од телевизијата, како и претходно во саботата за The Washington Post, изразиле стравување дека поради тоа може да бидат загрозени односите меѓу САД и некои сојузнички земји.
Претходно заменичката на главниот портпарол на американски Пентагон, Сабрина Синг, изјави дека Министерството за одбрана ја проверуваат автентичноста на наводните тајни документи кои протекоа на интернет, а за кои експертите имаат сомневања дека содржат веродостојни податоци. Синг рече дека администрацијата во Вашингтон на меѓуресорско ниво „го проценува влијанието на овие фотографирани документи врз националната безбедност на САД и врз сојузниците и партнерите“.
Агенцијата Reuters објави мислење дека документите кои пред неколку седмици се појавиле на интернет. Тие материјали се однесуваат на плановите на САД и НАТО да ја подготват украинската армија за долгонајавуваната противофанзива. Бројни од материјалите кои откриваат информации за распоредот и снабдувањето со оружје и бројноста на живата сила беа објавени на Twitter и Telegram
Весникот The New York Times, кој во петокот прв извести дека веќе извесен период на интернет циркулираат споменатите тајни документи датирани од почетокот на март, наводно биле објавувани на „руските провладините телеграм-канали“.
Американските медиуми пренесуваат дека американската војска и разузнавањето прават процени за предизвиканата штета и за изворот на истекувањето на документите.
Се чини Русија не посветува, барем официјално големо внимание на материјалите проценувајќи ја нивната автентичност и веродостојност. Портпаролот на Кремљ, Дмитриј Песков, во петокот на новинарско барање за коментар на истекувањето само кусо одговори дека Москва „никогаш немала сомневања за директната или посредна вмешаност на САД и НАТО во конфликтот“ во Украина.
