Украина на денешните преговори ќе побара воспоставување на хуманитарни коридори односно рута за бегство на цивилите од подрачјата каде има борби, изјави украинскиот преговарач Дави Аркамија на Фејсбук.
Претходно, шефот на руската дипломатија Сергеј Лавров посочи дека условите кои ги поставила Русија се минимални и оти ќе биде пронајдено решение.
– Секако дека ќе се најде решение, не се сомневам во тоа. Условите кои за нас се минимални се добро познати, за нив се разговара и на преговорите со украинската страна, како што беше во Гомел и како што ќе се случи денеска, наведе Лавров.
Тој додаде дека Русија е подготвена за дијалог со западните земји само доколку се земат предвид заедничките интереси.
