Украинците објавија ВИДЕО од помор на риби по уништувањето на браната

Украинските власти споделија видео на социјалните мрежи на кое се гледа како риби отскокнуваат во калта од надојдените води на реката Дњепар.

Реката Дњепар, да потсетиме, го поплави југот на Украина по уништувањето на браната Нова Каковка северно од градот Херсон.

Видеото го објави и Андриј Јермак, шеф на кабинетот на украинскиот претседател Володимир Зеленски.

„Екоцид во режија на Русија“, напиша Јермак на Твитер.