Жителка на кумановско Липково украла кредитна картичка и подигнала 66.000 денари. СВР Куманово поднесе кривична пријава против С.М. (43) од с. Липково, кумановско, поради постоење основи на сомнение за сторено кривично дело „оштетување и неовластено навлегување во компјутерски систем“.
На 31-ви јули минатата година, пријавената неовластено дошла до платежна картичка и пин кодот сопственост на оштетениот И.М.
Таа во неколку наврати од банкомати во Куманово подигнала вкупно 66.000 денари за кој износ го оштетила И.М.