Времето денеска во Македонија ќе биде умерено облачно и многу топло. Ќе дува слаб до умерен ветер од променлив правец. Максималната температура ќе биде во интервал од 25 до 34 Целзиусови степени. УВ индексот ќе биде 8.
Во Скопје максималната дневна температура ќе достигне 34 степени, Маврово 25, Охрид 30, Битола 33, Крива Паланка 31, Берово 30, Кавадарци 32, Дојран 34.
Утре претпладне ќе биде сончево со мала до умерена локална облачност. Во попладневните часови ќе биде нестабилно облачно со пороен дожд и грмежи. Дневните температури ќе се движат од 27 до 34 степени.
