![ungarija policija granica](https://i0.wp.com/netpress.com.mk/wp-content/uploads/2024/03/ungarija-policija-granica.jpg?resize=696%2C391&ssl=1)
Унгарија испрати уште 33 полицајци на границата меѓу Србија и Македонија, како дел од борбата против илегалната миграција, објавено е на веб-страницата на унгарската полиција.
Тие припадници на унгарската полиција во следниот месец заедно со нивните српски колеги ќе извршуваат задачи на 113 километри долгиот дел од границата меѓу Србија и Македонија, на главната рута на илегална миграција на балканската рута, се наведува во соопштението.
Главната задача на унгарските полицајци е спречување и откривање илегални гранични премини, шверцери на луѓе и илегални мигранти.