На јавниот повик за избор на идејно решение за изгледот на излозите и рекламите во Старата чаршија, Министерството за економија добило само две понуди. За нив се доделени втора и трета награда. Набргу се очекува да се објави конкурс за изработка на главен проект.
Втората награда ја добила фирмата „Фајнарт мултимедија“ која има идејно решение за излог за златарница, а третата е за фирмата „БИМС компани ДООЕЛ“.
Според проектот, шаренилото на излозите ќе биде заменети со унифицирани излози за златарите, за угостителите и за другите занаетчии. Реализацијата на проектот ќе се одвива во соработка со Општината Чаир, Градот Скопје и Министерството за култура, кое е надлежно за зачувување на традицијата, духот и културата на Старата чаршија.
Ова идеја ќе продолжи да се применува и во чаршиите во другите градови низ земјава.
