Најстудено утрово беше во Берово со -5 степени, на Попова Шапка се измерени -4, во Крива Паланка, Куманово и Штип -2, а во Скопје на Зајчев Рид, во Маврови Анови, Струмица, Виница -1 Целзиусов степен.
Нула степени се измерени во Лазарополе, Демир Капија, Крушево, еден степен во Прилеп, два во Тетово, Охрид, Дебар, три степени во Дојран, а четири во Битола и во Гевгелија. Максимални пет степени се измерени во Претор.
Во текот на ноќта беше променливо облачно со слаб до умерен ветер од северен правец. Утрово во источните делови е сончево, а зголемена облачност има во западните и северозападните делови. Во Преспанската котлина има појава на магла. Дува слаб до умерен ветер претежно од северен правец.
Претпладне ќе има ниска облачност, а од пладневните часови ќе биде сончево со мала до умерена облачност и посвежо. Ќе дува слаб до умерен ветер од северен правец. Максималната температура ќе биде во интервал од 4 до 11 степени.
Во Скопје претпладне значително облачно, преку денот облачноста ќе се намалува. Ќе дува слаб до умерен ветер од северен правец. Максималната температура ќе достигне до 6 степени.
