Јужна Кореја планира да спушти мисија на Марс до 2045 година, а дотогаш ќе потроши околу 67 милијарди евра за таа амбиција, објави во четвртокот претседателот Јун Сук Јеол по повод лансирањето на покренувањето вселенска агенција на оваа азиските земји.
Агенцијата KASA ќе ја води „вселенската економија“ на земјата, а стотици компании ќе работат на „катапултирање“ на Јужна Кореја меѓу светските лидери во вселенските патувања, тврди Јун.
„KASA ќе доведе до нова вселенска ера со култивирање стручњаци, преку поддршка на системот на вселенската индустрија и поттикнување предизвикувачки и иновативни истражувања и развој“, рече јужнокорејскиот претседател.
Сеул сака да го изведе првото слетување на Месечината во 2032 година.
Јужна Кореја стана седмата земја во светот која поседува технологија за лансирање ракети и сателити. Минатата година ја лансираше ракетата „Nuri“, која понесе комерцијален сателит во вселената.
Целта на агенцијата е усогласување на различни владини министерства, а во својата структура ќе вклучи и институт за вселенски истражувања. Јужна Кореја планира уште најмалку три лансирања до 2027 година и сака да лансира и воени сателити.
Најавата на Јун е показател за зголемените напори што азиските земји ги инвестираат во вселенски програми од практични причини, како што се усовршување на ракетната технологија или зајакнување на националната гордост.
Северна Кореја лансираше ракета во понеделникот, но не успеа да го испрати својот втор воен шпионски сателит во орбитата. Пјонгјанг го обвини неуспехот на нов тип на мотор, но стручњаци го поздравија обидот како „голем скок“ во севернокорејската технологија.
Јужна Кореја, Јапонија и САД го осудија лансирањето како кршење на резолуциите на Советот за безбедност на Обединетите нации со кои се забранува развој на технологија за балистички ракети.
Кинеската вселенска програма разви големи ракети како што се Долгиот Март 5, вселенската станица Тиангонг, беспилотните лунарни сонди и роверот Журонг кој стигна на Марс во 2021 година.
Во јануари Јапонија стана петтата земја која постави возило на Месечината. Минатата година Индија стана четвртата земја што слета на сателит на Земјата, откако Русија не успеа да го стори тоа истиот месец.
