Македонскиот ракометен шампион Вардар го забележа вториот пораз во регионалното СЕХА натпреварување откако загуби и на гостувањето кај Нексе со 25:28.
Хрватскиот вицешампион од Нашице во преполната сала „Крал Томислав“ многу подобро го отвори натпреварот и го искористи заморот кај ракометарите на Вардар по гостинската победа во Лигата на шампионите во Франција, па диктираше темпо уште од самиот старт.
Халил Јагањац одигра одличен натпревар и заврши како најефикасен стрелец во победничкиот табор со седум гола, додека Вејин застана на шест.
Кај вардарци најефикасен беше Куни Моралес кој исто така постигна седум погодоци.
