Голем број истакнати јавни личности, спортисти, музичари, уметници побараат кризата во Македонија да се реши со избори. Ним им се придружи и македонскиот боксер Вели Мумин кој преку социјалните мрежи порача дека кризата треба да се реши со избори.
Народот одлучува на избори. Доста беа Украински сценарија. На 5-ти Јуни ќе победи Македонија. Да ја решиме кризата со избори!, пишува Мумин на Фејсбук.
И каратистот Мартин Несторовски кој освојуваа медали претставувајќи ја Македонија вчера го осуди сквернавењето на Порта Македонија, посочувајќи дека истата е симболот на победата на нашите спортисти: кошаркарите, ракометарите, симболот на сите наши победи.
