Американскиот потпретседател ЏејДи Венс во вторникот ги предупреди Европејците дека, како што рече, нивната прекумерна регулација на вештачката интелигенција може да ја задуши технологијата и ја отфрли модерирањето на содржината како „авторитарна цензура“.
Расположението кон вештачката интелигенција се менува како што технологијата се вкоренува, од безбедносни грижи до геополитичка конкуренција, а земјите се натпреваруваат да создадат нов гигант во вештачката интелигенција.
Венс, кој отворено ја промовира агендата „Америка на прво место“ на администрацијата на претседателот Доналд Трамп, рече дека Соединетите држави имаат намера да останат доминантна сила во областа на вештачката интелигенција и силно се спротивставија на многу построгиот регулаторен пристап на Европската унија.
„Веруваме дека прекумерното регулирање на секторот за вештачка интелигенција може да ја убие револуционерната индустрија“, рече Венс на самитот на вештачката интелигенција во Париз.
„Ние многу силно веруваме дека вештачката интелигенција мора да остане ослободена од идеолошките пристрасности и дека американската вештачка интелигенција нема да биде кооптирана во алатка за авторитарна цензура“, додаде тој.
Венс рече дека снаоѓањето во европските правила за приватност на интернет, познати по акронимот GDPR, претставува бескрајни правни трошоци за помалите компании.
Иако американскиот потпретседател рече дека САД ќе ја поддржат американската вештачка интелигенција, која ја развиваат големите компании, тој исто така рече дека „нашите закони ќе обезбедат рамноправно поле за игра за големите технолошки компании, помалите технолошки компании и сите други (компании) кои развиваат (технологија).
Додаде дека „светот би требало да биде скептичен кога оние што се на власт повикуваат на безбедносни прописи кои би можеле да ја зацврстат нивната моќна позиција“.
Европските пратеници го одобрија Законот за вештачка интелигенција минатата година, првиот сеопфатен збир на правила во светот за оваа технологија.
Технолошките гиганти и некои главни градови се залагаат неговата имплементација да биде попустлива.
На првиот ден од самитот, неговиот домаќин, францускиот претседател Емануел Макрон, ја повика Европа да ја намали регулативата за да го олесни процутот на вештачката интелигенција на континентот, откако потегот на администрацијата на Трамп да ги олесни ограничувањата на вештачката интелигенција откри колку се различни стратегиите кон технологијата во САД, Кина и Европа.
Венс ја предводи американската делегација на настанот каде претставници од речиси 100 земји, вклучувајќи ги Кина, Индија и САД, се состануваат за да утврдат дали може да се усогласат спротивставените национални интереси.
