Во последното коло од германската Бундеслига во саботата новата титула минхенски Баерн ја прослави со победата од 5:2 против Аугсбург.
Петтиот погодок за Баварците го постигна во 90 минута полскиот напаѓач Роберт Левандовски и со тоа го урна 49 години стариот рекорд на легендарниот голгетер на Баерн, Герд Милер, според бројот на головите постигнати во една првенствена сезона. Милер во сеозната 1971/1972 постигна 40 погодоци, а Левандовски во оваа 2020/2021 сезоната постигна 41 гол.
И „норвшеката машина“ за голови, младиот Ерлинг Халанд повторно беше стрелец, на два погодока, во победата на Борусија Дортмунд против Баерн Леверкузен со 3:1. Халанд оваа сезона ја заврши со фантастични 41 гол во 41 натпревар во сите натпреварувања за „Милионерите“.
Вердер Бремен во саботата дома загуби од Борусија Менхегладбах со 2:4 и тоа откао губеше со 0:4 до 81 минута, и испадна во втората лига. Ова е вторпат во историјата на Вердер да одат во понизок ранг, откако претходно во сезоната 1980/1981 се преселија во Втората лига.
На Борусија Менхенгладбах, пак, победата не ѝ помогна да се пласира во европската Конференциска лига, место коешто го зазема Унион Берлин, кој го победи РБ Лајпциг со 2:1 со голот на Макс Крузе во втората минута од судското продолжение на натпреварот.
Победнички гол во судското продолжение постинга и Андреј Крамариќ за триумфот на неговиот Хофенхајм од 2:1 над берлинска Херта, со што се искачи на четвртото место на листата на стрелците со 20 голови,
Арминија Билефилд со 2:0 го победи Штутгард и со тоа го сочува прволигашкиот статус, додека Келн кој со 1:0 го победи одамна отпишаниот Шалке 04, ќе мора да настапи во разигрувањето за опстанок во Бундеслигата.
Во натпреварот без натпреварувачко значење Волфсбург дома беше поразен од Мајнц со 2:3.
На врвот на Бундеслигата работите беа решени и пред последното коло. Баерн уште претходно ја обезбеди титулата. РБ Лајпциг, Борусија Дортунд и Волгсбург, исто така, одат во Лигата на шампионите, а Ајнтрахт Франкфурт и Баер Леверкузен се пласираа во Лига Европа.
