Американецот Роберт Форбс починал од последиците од несреќа која се случила за време на демонстрациите заради убиството на Џорџ Флојд.
Според зборовите на неговиот адвокат Амар Шеркил, Форбс мирно протестирал во Бејкерсфилд кога бил прегазен од автомобил. Тој тврди дека возачот после ударот додал гас, но полицијата тоа го демантирала. Според нив возачот возел со умерена брзина, а тестовите не покажале дека бил под влијание на алкохол или дрога.
Очевидците тврдат друго – автомобилот немал запалени светла, а возачот забрзал пред да го удри Форбс. Внукот на убиениот тврди дека полицијата земала само изјава на возачот кој е идентификуван како Кит Мур, но не и од очевидците.
Мур преку Фејсбук тврдел дека не го видел Форбс и дека немал намера да го удри.
