Сериозен инцидент се случил во неделата околу пладне на плошдатот „Скендербег“ во Тирана, кога млад маж со изнајмен автомобил ги пробил заштитните бариерите, и влетал на плоштадот, при што ги загрозило животите на десетици лица присутни на местото.
Едно лице кое било присутно на настанот, интервенирало и го неутрализирало возачот на автомобилот. Нема повредени граѓани, а возачот на автомобилот кој ги тероризирал жителите на албанската престолнина и оштетил три возила е уапсен.
Според тиранските електронски медиуми, станува збор за 32-годишник кој на изборниот ден во Албанија на полицајците им признал дека консумирал наркотик. Според полицијата, тој бил претходно регистриран како уживател на наркотици и за предизвикување инцидент.
