Американскиот претседател Џо Бајден повторно се потсопна додека се качуваше по скалилата на претседателскиот авион „ Air Force One“ во воздухопловната наза Еднрјус пред да полета за сојузната држава Илиноис, пишува Daily Mail.
Судејќи според кадрите од крајот на триминутната снимка, американскиот челник се потсопнал и за момент загубил рамнотежа. Сепак, потоа без проблеми се качува во авионот придржувајќи се за оградата.
Бајден отпатува во Илиноис на разговори со тамошните фармери во врска со проблемот со глобалниот раст на цените на храната.
Ова е втор ваков инцидент на Бајден, иако за среќа многу понесериозен. Претходно трипати се сопнуваше, качувајќи се по скалата на авионот пред да полета за Атланта.
Бајден, кој годинава ќе наполни 80 години, е највозрасниот американски претседател во историјата, а неговите чести гафови и моменти кога ја губи мислата, многумина во САД го користат да побараат преиспитување на неговите когнитивни способности да ја води најмоќната сила во светот.
