Далас беше непријатно изненаден пред своите навивачи со поразот од Оклахома изминатата ноќ во НБА лигата со 120:114 после едно одиграно продолжение.
Кај Маверикси уште еднаш доминираше Лука Дончиќ кој за 43 минути на паркетот запиша „дабл-дабл“ учинок од 40 поени и 10 асистенции, но тоа не беше доволно за нов триумф сезонава.
Словенецот имаше шанса повторно да биде херој на својата екипа, при резултат 105:105 имаше шут за победа, но не беше прецизен.
На спротивната страна најрасположен беше Канаѓанецот Лугенц Дорт со 30 поени (шест скокови), следен од Тре Ман кој имаше 29 коша. Во Западната конференција Далас е на петтата позиција (29-23), а Оклахома е претпоследна (16-34).
Денвер претрпе пораз од Јута со 108:104, Нагетси не можеа да сметаат на својот најдобар играч Никола Јокиќ. Српскиот центар има повреда на прст на нога и според информациите наскоро се очекува да се врати на терените.
Во победничките редови блескаше Трент Форест со 18 поени (осум асистенции), а за гостите прв стрелец беше Брин Форбс (26 поени). Денвер остана шестопласиран на Западот (28-23), а Јута е на четвртата позиција (31-21).
НБА лига, резултати –
Индијана – Орландо 118:119
Филаделфија – Вашингтон 103:106
Бостон – Шарлот 113:107
Њујорк – Мемфис 108:120
Хјустон – Кливленд 115:104
Далас – Оклахома 114:120, 103:103 (по 1. продолжение)
Сакраменто – Бруклин 112:101
Јута – Денвер 108:104
ЛА Лејкерс – Портланд 99:94
