Клучна за триумфот на „клиперси“ беше неверојатната серија од 30-6 на крајот од третата и почетокот од последната четвртина, со предноста на „телињата“ (81-76) ја претворија во позитива од огромни 19 поени (106-87). Сето понатаму беше само рутинско одработување на задачата.
Лука Дончиќ ја заврши сезоната со уште една магична партија, откако средбата ја заврши со 46 поени, но немаше вистинска поддршка од соиграчите. Словенецот со тоа урна уште еден рекорд во низа на Леброн Џејмс, како најмлад играч кој постигнал најмалку 40 поени во една „мајсторка“. Тоа го стори со 22 години и 98 дена, со што е за цела година помлад од „Кралот Џејмс“ кога го направил тоа остварување.
With this triple, Marcus Morris Sr. joins Steph Curry as the only players in GAME 7 HISTORY to hit 7 threes! #NBAPlayoffs #ThatsGame
WIN or GO HOME GAME 7 on ABC pic.twitter.com/Dzfwy8cnTo
— NBA (@NBA) June 6, 2021
Лидер на составот од „Ел-Еј“ беше Каваи Ленард со 28 поени, на кои додаде 10 скока и девет асистенции, а фантастичен беше и Маркус Морис, кој постигна 23 поени со седум тројки, со што се изедначи со Стеф Кари со најмногу погодени удари за три поени во седми натпревар од доигрувањето. Клиперси во следното плејоф-коло ќе се сретнат со Јута џез.
