Огромен пожар избувнал синоќа во вечерните часови во магацин на маркет во скопската населба Тафталиџе, при што биле загрозени и становите на станарите.
„На 27.04.2022 во 00.57 часот во СВР Скопје од Бригадата за противпожарна заштита било пријавено дека на бул. „Митрополит Теодосиј Гологанов“ настанал пожар во депо за отпад на маркет и од истиот била опожарена ограда од балкон и скршени биле стаклата од прозорците од приватен стан.
Од страна на БППЗ пожарот бил изгаснат и повредени лица нема. Од страна на полициски службеници од СВР Скопје излезено било на местото на настанот и во текот на денот ќе биде извршен увид“, велат од МВР.
