Најлошата екипа, можеби и во историјата на италијанскиот фудбалски шампион, Беневенто го освои првиот бод сезонава откако во 15-то коло од Серија А одигра 2:2 против Милан и тоа откако изедначи со погодокот на голманот Алберто Брињолио во петтата минута од судиското продолжување.
Беневенто така го освои историскиот прв бод во елитното натпреварување на италијанскиот фудбал.
Гостите од Милано водеа со 1:0 и со 2:1, но Беневенто не се предаваше и успеа да му откиен бод на Милан кој ја продолжи резултатската криза и под водството на новиот тренер, некогашната своја играчка ѕвезда Џенаро Гатузо.
Милан поведе во 38 минута со голот на Џакомо Бонавентура и се чинеше дека „росонерите“ ќе ја продолжат црната серија на Беневенто. Меѓутоа, Георге Пушкаш изедначи во 50 минута. Осим минути подоцна хрватскиот интернационалец Никола Калиниќ погоди со глава за 2:1.
Кога во 75 минута беше исклучен Алесио Ромањоли, домашните почувствуваа дека им се отвора историската шанса и почнаа да јуришаат по бод. Нивните настојувања се исплатеа кога во петтата минута од судиското продолжение голманот Брињоли стрелаше за конечните 2:2. Каталди нафрли од слободен удар од левата страна, а Брињоли со одличен удар со глава го совлада својот колега Џанлуиџи Донарума.
„Замижав и ја удрив топката со глава. Не можев да верува, кога видов дека влегла во мрежата. Тешко е да се опише среќата откако го освоивме првиот бод. Се надевам дека нема да застанеме на тоа, сега ќе ни биде полесно“, изјави Брињоли.
Брињоли со овој гол стана првиот голман во Серија А кој постигнува гол од игра откако тоа му успеа на Масимо Таиби за Реџина во 2001 година.
Во редовите на Милан очекувано повторно владее очајувањето. Особено бидејќи станаа првиот клуб кому последниот на табелата по 14 порази му зема бод.
„Знаевме дека Беневенто и покрај поразите во последно време игра многу подобро, за жал првиот бод го освоија против нас. Пред нас е долг и напорен пат за да ја пронајдеме вистинската игра“, рече Гатузо.
Милан по 15 натпревари има само 21 бод и е на седмото место на табелата. Водечкиот Наполи има 31 бод. Беневенто и прицврстен на последното место со првиот бод, десет помалку од клубовите кои се борат за опстанок, а со денешните два гола има гол разлика 8:36
https://www.youtube.com/watch?v=liLor5KPuUQ
