Ние сме Македоннци и зборуваме македонски јазик, имаме наша автентична македонска култура и немаме никави претензии кон Грција ниту кон која било друга соседна земјам, ниту пак сакаме да наштетиме на било кого. Ние сакаме слобода, мир, просперитет на нашите граѓани. Ние сакаме правда.
Ова го истакна премиерот Никола Груевски во својот говор на Пелинце, каде присуствуваше на одбележувањето на 2-ри август. Груевски рече дека ваквите празници се најдобриот момент кога можеме да се сетиме на минатото и да говориме и за сегашноста и иднината.
-Многумина ќе речат нема правда во политиката, во животот, не е така. Луѓето ја создаваат правдата. Од луѓето зависи дали ќе бидат правични или не. Луѓето носат одлуки и знаат да направат разлика за тоа дали едно дело е добро или не, тие се моралниот суд и тие знаат многу добро која е вертикалата која ги движи. Проблемот на Македонија не е само наш проблем тоа е е европски проблем. Ако некој мисли дека со игнорирање на овој проблем ќе создаде решение, длабоко се лаже, рече Груевски.
Премиерот посочи дека проблемот на Македонија кој го лимитира нејзиниот прогрес е проблем кој стимулира нетрпеливост, несогласувања и нестабилност. Игнорирањето само го помага проблемот да се продлабочува и зголемува.
-Европа не смее инетерсот да го става над принципите и вредностите . Така само ги подхранува скептиците кои демнат над нејзината причина за постоење и темелите на кои таа треба да почива. Време е Европа да погледне со поголемо внимани кон нас, рече Груевски.
Груевски потенцираше дека споменувањето н апроблемот јавно не е доволно, потребно е конкретно дело.
