Десетици торнада го погодија централниот дел на САД, при што се повредени најмалку три лица и предизвикана е значителна материјална штета, соопштија локалните власти.
Американската метеоролошка служба (NWS) регистрираше повеќе од 70 торнада низ целата земја, повеќето од нив околу градот Омаха, Небраска и во близина на Ајова. Резултатот е десетици уништени згради и домови, скршени далноводи и излетани возови од шините. Во Елхорн, предградие на Омаха, фотографиите објавени на социјалните мрежи покажуваат урнати куќи, разнесени покриви и голи дрвја.
Footage of a destructive tornado in the USA.
— Mr.Bayne ☕️ (@cryptonian_0) April 27, 2024
According to local media, hundreds of houses were damaged and at least three people were injured. The element is called the most powerful in the last 2.5 years. Tornadoes hit Nebraska, Iowa and Texas.pic.twitter.com/e2LB0WUy8x
„Спасувачите продолжуваат да ги проверуваат погодените домови и им пружаат помош на сите повредени“, објави полицијата на Омаха на мрежата Икс.
На југ, во близина на градот Линколн, торнадо погоди индустриски комплекс. Околу 70 луѓе биле евакуирани кога се урнала зграда, но тројца се здобиле со повреди кои не се опасни по живот, соопштија властите на округот Ланкастер на прес-конференција.
Massive tornado approaches Lincoln, Nebraska, USA pic.twitter.com/slnV07Mtfn
— S p r i n t e r F a c t o r y (@Sprinterfactory) April 27, 2024
NWS, кој вчера издаде голем број предупредувања за торнадо за неколку држави во централниот дел на САД, предвидува дека временскиот феномен ќе продолжи и во текот на денешниот ден.
Торнадата се релативно чести во САД, особено во централните и јужните делови на земјата.
