Тимот на Јута Џез ја забележа првата сезонска победа на домашен терен во НБА лигата и тоа против Далас Маверикс кој падна во Солт Лејк Сити со резултат 115:113.
Далас губеше со 14 разлика по три четвртини, но се врати во последниот период и „мирисаше“ на продолжение по тројката на Томпсон на 27 секунди до крајот за 113:113. Меѓутоа домаќините го искористија последниот напад и воедно заспаноста на ѕвездата на гостите Дончиќ кој не беше доволно внимателен, па топката на Кларксон заврши во рацете на Колинс кој со забивање ги запали навивачите.
Гостите го имаа завршниот напад меѓутоа шутот на Маршал не заврши низ обрачот.
Колинс со 28 поени и Кларксон со 20 беа лидери кај „џезерите“, Дончиќ залудно постигна 37 кошеви со 7 скока и 9 асистенција кај клубот од Тексас.
