Метеоролозите од Словенија потврдија дека земјата ја погоди торнадо, над Илирска Бистрица.
„Забележан е релативно широк вртлог, во чии рамки има и многу силни, но мали вртлози со пречник од само неколку метри. За среќа, феноменот траеше само неколку минути“, известуваат од Агенцијата за заштита на животната средина, а пренесува 24ур.
Во средата порталот Neurje.si објасни како настанало торнадото, а на својата Фејсбук страница објавија и прилично драматично видео од формирањето на вителот.
„На формирањето на торнадото влијаеле екстремните кривини на ветрот во долните слоеви на атмосферата, што може да се види на видеото кое ни го испрати Грег Махне. Покрај ветрот кој дуваше од југоисточен, југозападен и западен правец (во повисоките слоеви), на самиот развој влијаеше и релјефот кој придонесе за развој на екстремната појава“, пишуваат на Neurje.si.
Истата страница на Фејсбук обезбедува и снимка од торнадото одблиску.
Конечно, се чини дека веќе оваа недела се подготвуваат нови временски проблеми за Словенија.
„Во четврток и петок ќе помине многу студен фронт, кој секако ќе биде поинтензивен од претходниот. Над нашите региони продолжува да пристигнува влажен и топол воздух од запад, а студена воздушна маса од северозапад, па може да очекуваме развој на невреме кое може да биде од посилен карактер.
„Од четврток навечер до сабота наутро некаде ќе има повеќе врнежи, нивото на реките може да се зголеми, а поројните поплави би можеле да предизвикаат проблеми на некои места“, пренесува Neurje.si.
