Четири деца на возраст од три до 14 години загинаа откако потона чамец со бегалци и мигранти, во морскиот дел, југоисточно од островот Хиос, едно лице се води за исчезнато, а 22 се спасени.
Министерот за миграција и азил на Грција Нотис Митаракис, преку Twitter информираше за билансот од несреќата, објави фотографии и истакна дека Турција мора да ги спречи криумчарите.
„Ова е реалноста на експлоатацијата на мигрантите од страна на криминалните банди во Егејското Море. Бескрупулозните криумчари ги ставаат во опасност животите во претоварените непловни гумени чамци кај Хиос. Трагично, и покрај максималните напори на грчката крајбрежна служба, четири деца, сите на возраст од три до 14 години – се потврдени мртви, едно лице се води за исчезнато, 22 се спасени и се згрижени на брегот. Турските власти мора да сторат повеќе за да ја спречат експлоатацијата од криминалните банди. Овие патувања никогаш не смеат да се дозволат“, напиша Митаракис.
Οι Τουρκικές Αρχές πρέπει να κάνουν περισσότερα για να αποτρέπουν την εκμετάλλευση από εγκληματικές συμμορίες. Αυτές οι διελεύσεις δεν πρέπει να επιτραπούν ξανά. pic.twitter.com/VcFTzpubEw
— Νότης Μηταράκης – Notis Mitarachi (@nmitarakis) October 26, 2021
