Триесет и три луѓе, повеќето туристи од Јужна Кореја, имало на бродот, кој се превртел откако бил удрен од друго пловило ноќта во средата околу 22 часот. Бродот со две палуби „Сирена“ бил наменет за туристички обиколки по Дунав.
Унгарската телевизиска станица М1 повикувајќи се на унгарското министерство за внатрешни работи објави дека десет лица сѐ уште се водат како исчезнати.
На бродот имало 35 луѓе, вклуќувајќи ги и двајцата членови на екипажот, кога се судрил со друг брод во близина на унгарскиот парламент. Засега не се познати причините зошто дошло до судирот со другиот брод, Сите 33 лица на бродот биле јужнокорејски туристи. Петнаесет лица се неповредени или со помали повреди.
Јужннокорејскот министерство за надворешни работи во четвртокот утрото објави дека испраќа тим од 18 луѓе во Будеимпешата за да помогнат во операцијата на потрага и спасување. Претседателот Мун Џае-ин ѝ наложи на владата формирање тим спасувачи и ангажирање на сите ресположливи ресурси за да помогнат на самото место на несреќата.
Во тек е голема операција на потрага по исчезнатите, која преку ноќта се одвиваше со користење силни светла на реката во која исчезнаа јужнокорејските туристи, јавува порталот Index.hu, но силниот дожд и силните струи многу ја отежнуваат потрагата. Температурата на водата се движи до 15 Целзиусови степени. Како резултат на обилни врнежи во изминатите денови, нивото на Дунав значително се зголемило, што довело и до создавање на силни струи
Потонатиот туристички брод, долг 27 метри и кој може да прими 60 патници, ѝ припаѓал на будимпештанската компанија „Panorama Deck“. Државните медиуми објавија дека остатоците од бродот се лоцирани на дното на Дунав по неколкучасовна потрага.
.
