Новак Ѓоковиќ играше против Бен Шелтон и против најголем дел од гледалиштетот на „Артур Еш“ стадионот во Њујорк, па во моменти на тензија во завршниот сет кој беше и најизрамнет, српскиот тенисер не остана должен и знаеше како со гестикулации да им одговара на фановите, но и на ривалот.
Ноле лесно ги доби првите два сета со 6:3 и 6:2, додека во третиот конечно доби сериозен испит достоен за полуфинале и ја решаваше работата во тајбрејкот.
Шелтон доби „крилја“ од поддршката од навивачите во последниот период и се врати од брејк негатива, но сепак немаше сили да намали на 2:1 и покрај тоа што имаше сет топка.
Младиот 20-годишен Американец го заврши своето незаборавно патување на Ју-Ес Опен без освоен сет против Ѓоковиќ, но мораше да гледа како противникот му испраќа и провокативна порака.
Ѓоковиќ ја ископира препознатливата прослава на Шелтон од претходните рунди и „му спушти слушалка“ на Американецот, а со својот потег изнуди и свирежи од гледалиштето.
Поради ова, поздравот меѓу двајцата тенисери беше исклучително ладен и не си разменија ниту еден збор.
As if we needed another reason to call Novak Djokovic a legend. #USOpen pic.twitter.com/wZ8nLcaPSF
— Kenny Ducey (@KennyDucey) September 8, 2023
Novak Djokovic hangs up the phone on Ben. 🥶 pic.twitter.com/AvMD9kPY2N
— US Open Tennis (@usopen) September 8, 2023
